9857088595

info@bhisaan.org.np

     

Already Registered? Click Here !

Events



कुमारवर्ती विद्यालयलाई फोटोकपी मेसिन प्रदान

2021-11-29

१३ मंसिर, २०७८ भीमसेन हाइस्कुल एलुमिनियम एसोसिएसन (भीसान) नवलपरासीको आयोजनामा देवचुली-१३ दलदलेस्थित कुमारवर्ती आधारभूत विद्यालयलाई प्रिन्टर, स्क्यानरसहितको फोटोकपी मेसिन उपलब्ध गराइएको छ । भीसानका कतार संयोजक तिलक भुसालको पहलमा कतारमा रहेका भीमसेन आदर्श नमुना माविका पूर्व विद्यार्थीहरुले आर्थिक संकलन गरी उपलब्ध गराएको रकमबाट सो सहयोग गरिएको संस्थाका अध्यक्ष शेरबहादुर पौडेलले जानकारी दिए । देवचुली नगरपालिका वडा- १३ का अध्यक्ष क्याप्टेन दिलबहादुर खत्री प्रमुख अतिथि रहेको कार्यक्रममा सोही विद्यालयका व्यवस्थापन समितिका अध्यक्ष देवीप्रसाद रेग्मीको अध्यक्षतामा कार्यक्रम गरिएको हो । विद्यालयका शिक्षक, अभिभावक संघका अध्यक्ष, भीसानका अध्यक्ष शेरबहादुर पौडेल विशिष्ट अतिथि रहेका थिए भने भीसानका उपाध्यक्ष जीवलाल पराजुली, सचिव राजु चापागाईं, कोषाध्यक्ष जगदिश तिवारी तथा कतार संयोजक तिलक भुसाल अतिथिका रुपमा सहभागी थिए । विद्यालयका शिक्षक, कर्मचारी तथा अभिभावकहरुको उपस्थिति रहेको उक्त कार्यक्रममा भीसानका पदाधिकारीले सो मेशिन हस्तान्तरण गर्दै कतारबाट आर्थिक सहयोग दाताहरु पदमबहादुर पौडेल, सकुल भुसाल, युवराज भुसाल, गोकुल भुसाल, तीर्थराज घिमिरे, मनबहादुर थापा, गुनबहादुर सुनार, ढकबहादुर बसेल, सुशील पौडेल र राजेश भारतीलाई कतार संयोजक तिलक भुसालले धन्यवाद ज्ञापन गरेका थिए । त्यस्तै गरी विद्यालय प्रधानाध्यापक राजेन्द्र भुर्तेलले भीसानको यस कार्यको प्रशंसा गर्दै आगामी दिनमा पनि सहयोगको अपेक्षा रहेको बताए । कार्यक्रम संचालन शिक्षक युवराज पराजुलीले गरेका थिए । परोपकारी अभियान अन्तर्गत भीसानले सुरु गरेको जन्मोत्सव कोषमा ७ लाख रुपैयाँ बढी संकलन गरिसकेको र उक्त रकम विकू बचत दलदले शाखामा मुद्दतीमा जम्मा गरिएको भीसानका अध्यक्ष पौडेलले बताए ।

निःशुल्क स्वास्थ्य परिक्षण

2021-03-12

भीसान नवलपरासीको आयोजनामा २०७७ फाल्गुण २८ गते शुक्रबारका दिन निःशुल्क स्वास्थ्य परिक्षण शिविर सम्पन्न भएको छ । देवचुली नगरपालिका वडा नं ७ रामबासमा रहेको भीमसेन आदर्श नमुना माध्यमिक विद्यालयमा अध्ययनरत विद्यार्थीहरु र अभिभावकहरुको निःशुल्क स्वास्थ्य शिविर गरिएको हो । भीसान नवलपरासी, लायन्स क्लब अफ नारायणघाट नारायणी, लायन्स क्लब अफ नारायणघाट बालकुमारी लगायतका संस्थाहरुको साझेदारीमा शिविर गरिएको हो । जसमा विद्यालयका विद्यार्थी र अभिभावक गरि २ सय ३७ जनाले सेवा लिएका छन् । शिविरमा भीसान नवलपरासीका अध्यक्ष शेर बहादुर पौडेलले बिशेषगरि विद्यालयका बालबालिकाहरुले “जंगफूड” को प्रयोग बढि गर्ने हुँदा बालबालिकाको स्वास्थ्यमा विभिन्न किसिमका समस्या देखिने भएकाले विद्यालयमा निःशुल्क स्वास्थ्य शिविर संचालन गरिएको बताउनुभएको छ । उक्त शिविरमा बरिष्ठ फिजिसियन डा. सन्दिप पाण्डे, बरिष्ठ जनरल सर्जन अमित शर्मा, बरिष्ठ नाक, कान, घाँटी रोग विशेषज्ञ डा. दामोदर कंडेल, बरिष्ठ स्त्री तथा प्रसुति रोग विशेषज्ञ डा. जीवन परियार, बरिष्ठ बाल रोग विशेषज्ञ डा. किरण देवकोटा र मेडिकल अफिसर डा.टेकेन्द्र गौतमबाट बिरामीको परिक्षण गरिएको थियो । शिविरमा चेकजाँचका लागि आउने विद्यार्थीहरुमा खानपान, कान, मुटु रोगी जस्ता धेरै समस्या देखिएको बरिष्ठ बाल रोग विशेषज्ञ डा. किरण देवकोटाले जानकारी दिनुभयो । उहाँले बालबालिका भन्दा पनि अभिभावकहरुले आफ्ना बच्चाहरुको खानपानमा हेरचाह गर्नुपर्ने बताउँदै खानपानमा सचेत हुनुपर्ने बताउनुभएको थियो । शिविरमा चितवन भरतपुर १० मा रहेको श्री पुष्पाञ्जली हस्पिटलको समेत प्राविधिक सहयोग रहेको थियो भने स्थानिय हेप्पी एफएम मिडिया सहयोगीको रुपमा रहेको थियो। कार्यक्रममा करिब २ लाख हाराहारीको निशुल्क औषधी निशुल्क बितरण गरिएको र थियो। सो औषधी निशुल्क रुपमा भरतपुरमा रहेको प्रान्जा मेडिको सप्लायर्स र प्राबिधिक सहयोगी पुष्पाञ्जली हस्पिटल प्रा लिले उपलब्ध गराएको थियो ।

भीमसेन आदर्श माविलाई थर्मोगन सहयोग

2020-06-25

मिति २०७७ आषाढ ०९ गतेका दिन भीसान नवलपरासीले एक कार्यक्रमका बिच मेडिकल थर्मामीटर २ थान श्री भीमसेन आदर्श मा. वि. लाई हस्तान्तरण गरेको छ । हाल विश्व नै कोभिड १९ का कारण प्रभावित रहेको अवस्थामा सबै विद्यालयहरुमा अध्ययन रोकिएको मात्र छैन सामुदायिक/सरकारी विद्यालयहरुमा क्वेरन्टिनका रुपमा प्रयोग भएका छन् । यसरी विद्यालयहरु कोरोना महामारीको उच्च जोखिम रहनेभएकाले भीसान नवलपरासीको अनुरोधमा रु दश हजार बराबरको २ वटा मेडिकल थर्मोमिटर लायन्स क्लव अफ नारायणगढ़ बालकुमारी र नारायणी मोटर्सले भीसानलाई सहयोग स्वरुप उपलब्ध गराएको थियो भने भीसानले सो थर्मामीटर विद्यालयलाई वितरण गरेको थियो । भीसानका अध्यक्ष शेर बहादुर पौडेल र सचिव राजु चापागाईंको उपस्थितिमा विद्यालयका प्राचार्य नरदेव न्यौपाने र शाखा विद्यालयका ईन्चार्ज डोलकान्त अर्याललाई हस्तान्तरण गरिएको थियो । हाल भीमसेन आदर्श मा. वि. को शाखा विद्यालय देवचुली नगरपालिकाको सात नम्बर वडाको क्वेरन्टिनको रुपमा प्रयोग भैरहेको छ । भीसान नवलपरासीले सहयोगी दाताहरुलाई धन्यवाद ज्ञापन गर्दै निरन्तर सहयोगको अपेक्षा सहीत भविष्यमा आफ्ना यस्ता विविध गतिबिधी निरन्तर गरिरहने प्रतिबद्धता समेत जनाएको छ ।

नि:शुल्क दन्त शिविर सम्पन्न

2019-06-19

विभिन्न संघसंस्थाको आयोजनामा पुर्वी नवलपरासीको देवचुलीमा निशुल्क दन्त शिविर गरिएको छ । देवचुली नगरपालिकाको रामबासमा रहेको भीमसेन आदर्श मा वि मा आयोजना गरिएको दन्त शिविरबाट २७० जना विद्यार्थीहरु लाभान्वित भएका छ्न । भीमसेन हाईस्कूल एलुम्नाई एसोसिएसन, लायन्स क्लब अफ नारायणगढ़ बालकुमारी, लायन्स क्लब अफ नारायणगढ़ नारायणी र रोटर्याक्ट क्लब अफ भरतपुरको आयोजना तथा स्कुल अफ डेन्टल, चितवन मेडिकल कलेजको प्राविधिक सहयोगमा आज शिविर गरिएको हो । चितवन मेडिकल कलेजका डेन्टल विभाग प्रमुख डा. हरेन्द्र सिं को नेतृत्वमा ९ जना डाक्टरहरु द्वारा दाँतको परिक्षण गरिएको थियो । आज भएको शिविरमा २७ जना विद्यार्थीहरुको दाँतमा समस्या देखिएकाले दाँत उखाल्ने कार्य समेत गरिएको थियो ।बालबालिकाहरुमा दाँतको समस्या न्यूनीकरण गर्नका लागि शिविर आयोजना गरिएको लायन्स क्लब अफ नारायणगढ बालकुमारीका अध्यक्ष बालगोपाल चुकेले बताउनुभयो । कार्यक्रमलाई समापनको गर्ने क्रममा भीमसेन आदर्श मा. वि.का सहायक प्र.अ. अग्निधर भुसालले आयोजक तथा प्राविधिक सहयोग गर्ने सबैलाई धन्यवाद व्यक्त गर्नु भएको थियो । दन्त शिविरको अध्यक्षता लायन्स क्लब अफ नारायणगढ़ बालकुमारीका अध्यक्ष तथा समाजसेवी बाल गोपाल चुकेले गर्नुभएको थियो भने विशेष अतिथिमा सोही विद्यालयका शिक्षक अभिभावक संघका अध्यक्ष बलिराम सापकोटा,सहायक प्रधानाध्यापक अग्निधर भुसाल , अतिथिहरु भीमसेन हाईस्कूल एलुम्नाई एसोसिएसन (भीसान) का अध्यक्ष शेर बहादुर पौडेल र सोही विद्यालयका आधारभूत तह प्रमुख दोलकान्त अर्याल रहनुभएको थियो ।